Fatin:Sentru Konvensoins Dili (CCD-sigla iha lian portugés)
Governu Timor-Leste organiza Konferénsia Globál kona-ba Ajenda tinan 2030 nian, ho tema “Roteiru ida ba Objetivu sira Dezenvolvimentu Sustentavel iha nasaun sira frajil no afetadu husi konflitu”. Ne’ebé mak organiza ona iha parseria ho membru sira husi grupu Informál Apoiu Nivel Aas nian ba Objetivu sira Dezenvolvimentu Sustentavel no ho Sekretariadu g7+. Konferénsia ne’e halibur desizór polítiku sira nivel aas nian, ne’ebé pertense ba Governu sira, parseiru dezenvolvimentu no organizasaun Sosiedade Sivil nian sira. Konferénsia ne’e sei reprezenta plataforma ida hodi debate dezafiu sira, fahe lisaun no prátika di’ak nian sira kona-ba aplikasaun Ajenda tinan 2030 iha nasaun frajil no Estadu afetadu sira husi konflitu.
Iha loron dahuluk, hala’o ona sorumutuk nivel aas ba responsável polítiku sira, iha ne’ebé maka sei debate tema jerál sira Ajenda 2030 nian ne’ebé aplika ba Estadu frajil no afetadu sira husi konflitu. Iha sorumutuk ne’e nia rohan, sei halo aprovasaun ba deklarasaun ida ho rezolusaun prinsipál sira no kompromisu husi partisipante sira.
Loron daruak sorumutuk ne’e nian sei hala’o diskusaun téknika kona-ba abordajen ne’ebé di’ak liu ba hametin mekanizmu kooperasaun nian ida entre Estadu frajil no afetadu sira husi konflitu, ne’ebé fó dalan ba sira hodi alkansa Objeitvu sira Dezenvolvimentu Sustentavel nian. Abordajen ida ne’e sei sai hanesan baze ba esperiénsia globál Estadu frajil no Kooperasaun Súl-Súl (prosesu kona-ba ligasaun polítika no interkámbiu ekonómiku, sientífiku, teknolójiku, kulturál no área sira seluk, entre nasaun sira ne’ebé iha dezenvlovimentu).
Parseiru sira Konferénsia ida ne’e nian maka g7+, Governu Suésia no Zelándia-Foun, Banku Izlámiku Dezenvolvimentu nian, Nasoins Unidas no PNUD, Embaixada Estadu Unidus nian iha Timor-Leste, Kámara Komérsiu no Indústria Timor-Leste nian.
Konferénsia ne’e sei iha eventu sira ne’ebé hanesan:
1. Konferénsia no Espozisaun kona-ba
iversifikasaun Ekonómika”Data:loron 21 fulan-maiu
Fatin: CCD
Oráriu:9:30-17:00
2. Konferénsia kona-ba “Programa Saúde iha Família”
Data:loron 23 fulan-maiu
Fatin:CCD
Oráriu: tuku 10:40-13:30
Atu hetan informasaun liután, bele bá iha pájina ofisiál eventu ida ne’e iha http://sdgstl.gpm.gov.tl