Governu Timor-Leste

Data : Loron 9 no 10 fulan-maiu
Fatin: Salaun Delta Nova, Díli

Konsellu Imprensa organiza konferénsia internasionál ida ne’e ho nia tema “ Promosaun liberdade imprensa no liberdade espresaun iha Sudeste Aziátiku no iha Pasífiku”.

Primeiru-Ministru, Rui Maria de Araújo maka sai nu’udar oradór iha eventu prinsipál ida ne’e, no sei marka mós prezensa husi dirijente aas husi Konsellu Imprensa nian husi nasaun seluk, hanesan Indonézia (Ahmad Djauhar), Tailándia, Mianmar (Maung San), Austrália (David Weisbrot), Papua-Guiné Foun (Alexander Rheeney), Zelándia Foun (John William Hansen) no Saun Tomé no Prínsipe (Jesuley Patrick Lopes). Prezidente Southeast Asian Press Alliance, Eko Maryadi, sei marka mós nia prezensa iha konferénsia ne’e.

Konsellu Imprensa Timor-Leste nian, órgaun konsultivu independente, mai husi jornalista no emprezáriu sira, atu promove liberdade espresaun no independénsia Komunikasaun Sosiál nian no apoia dezenvolvimentu kona-ba kompeténsia profisonál no téknika jornalista sira nian.