Prémiu Literáriu Ruy Cinatty nian/INCM
Konkursu ba Prémiu Literáriu Ruy Cinatti/INCM nian hala’o iha loron 27 fulan-marsu to’o loron 31 fulan-jullu.
Inisiativa ne’e husi Imprensa Nasionál-Casa Moeda nian (INCM-sigla iha lia-portugés), husi Portugál, ne’ebé hetan tulun husi Unidade Apoiu ba Sosiedade Sivil Gabinete Primeiru Ministru nian, no servisu hamtuk ho Embaixada Portugál nian iha Timor-Leste.
Konkursu ne’e loke ba sidadaun timoroan sira hotu ka ba sira ne’ebé maka hela iha Timor liu ona tinan 5, no obra konkorente sira nian tenkesér obra ne’ebé seidauk publika no tenke hakerek iha lia-portugés.
Obra orijinál sira tenke haruka ona, liuhusi e-mail, ba Teresa Garcia, Sekretária Unidade Publikasaun INCM nian (teresa.garcia@incm.pt).
Obra ne’ebé hetan prémiu sei fó sai no sei fa’an husi organizasaun konkursu nian, no manan-na’in sei simu osan hamutuk euro rihun lima.
Prémiu literáriu INCM/Ruy Cinatti ninia objetivu maka atu haloko (promove) espresaun iha dalen portugés iha Timor-Leste, fó omenajen ba Ruy Cinatti, nu’udar poeta no ema koñesidu iha kultura, no halibur serbisu sira ne’ebé seidauk publika, ne’ebé iha kualidade, iha área proza nian.
Orijinál husi regulamentu ne’e bele haree iha https://www.incm.pt/portal/rc_premio.jsp
