………………………………………………………………………………………………………………
Díli, loron 14 fulan-marsu tinan 2017
Komunikadu Imprensa
Toleránsia pontu iha loron 20 no 21 fulan-marsu tinan 2017
Governu deside ona hodi fó toleránsia pontu iha loron 20 no 21 fulan-marsu ba funsionáriu no ajente sira hotu husi ministériu sira ka servisu sira ne’ebé dependente ba sira, nune’e mós husi institutu sira no organizmu integradu nian sira iha administrasaun indireta Estadu nian, tanba volta dahuluk eleisaun prezidensiál nian.
Ita hatene katak votante barak maka halo ona resensiamentu iha sira-nia munisípiu orijen, ne’ebé iha mós kazu barak, maka fatin votasaun nian la’ós iha sira-nia hela fatin, nune’e votante sira sei presiza sai husi sira-nia hela fatin atubele hala’o sira-nia direitu no devér polítiku no fila-fali mai sira-nia hela-fatin.
Desizaun ida ne’e tuir Lei n.u 10/2015, loron 10 fulan-agostu, ne’ebé determina loron sira hanesan feriadu nasionál no data ofisiál komemorativa sira, ne’ebé prevee katak bele fó toleránsia pontu tanba motivu akontesimentu nasionál, iha kazu partikulár ida ne’e, kona-ba data ida eleisaun nian. REMATA