Vizita Ofisiál Primeiru-Ministru nian ba Zelándia Foun
Husi 25 fev toó 04 mar
Data: loron 25 fulan-fevereiru to’o loron 4 fulan-marsu
Primeiru Ministru, Rui Maria de Araújo, dezloka ba Zelándia Foun bazeia ba konvite husi ninia omólogu, Bill English. Atividade sira ne’ebé tau ona iha ajenda maka sorumutuk ofisiál ho emprezáriu lokál sira balun, nune’e mós vizita ba empreza sira ne’ebé bele sai hanesan modelu hodi diversifika ekonómika iha Timor-Leste, iha área oioin hanesan produsaun susubeen nian ka ekoturizmu.
Prevee ona mós vizita ba instituisaun akadémika rua, Universidade Teknolojia Auckland no Universidade Otago nian, iha Dunedin, iha ne’ebé iha estudante timoroan sira balun estuda hela iha ne’ebá.
