Toleránsia pontu iha loron 1 fulan-marsu tinan 2017
Prezidénsia Konsellu Ministrus
VI Governu Konstitusionál
..............................................................................................................................
Díli, loron 23 fulan-fevereiru tinan 2017
Komunikadu Imprensa
Toleránsia pontu iha loron 1 fulan-marsu tinan 2017
Governu deside ona hodi fó toleránsia pontu iha loron 1 fulan-marsu - Kuarta-Feira Sinzas, iha kalendáriu katóliku -, ba funsionáriu no ajente sira hotu husi ministériu ka servisu sira ne’ebé dependente ba sira, nune’e mós institutu no organizmu sira ne’ebé integra iha administrasaun indireta Estadu nian.
Kuarta-Feira Sinzas iha importánsia boot ba ema-sarani sira, tanba sai nu’udar loron dahuluk Kuarezma nian iha kalendáriu relijiaun katólika nian; ne’ebé selebra iha loron 40 molok tama ba Páskua.
Desizaun ne’e bazeia ba Lei n.10/2005, loron 10 fulan-agostu, ne’ebé determina loron nasionál no data ofisiál komemorasaun nian sira, ne’ebé la’ós feriadu, maibé Governu bele fó toleránsi pontu.REMATA
