SECOMS simu vizita husi Sekretária Estadu Kooperasaun portugueza

Sab. 04 fevereiru 2017, 16:53h
SECOMSrecebeSENEC-PT_PG

Sekretáriu Estadu Komunikasaun Sosiál (SECOMS), Nélio Isaac  Sarmento, simu ona vizita husi Sekretária Estadu Negósius estranjeirus no Kooperasaun Portugál nian, Teresa Ribeiro, iha sala formasaun Konsultóriu Lia ba Jornalista sira, iha Kintál Boot, iha Díli, iha loron 2 fulan-fevereiru tinan 2017.

Nélio Isaac Sarmento hatete katak objetivu husi vizita ne’e Sekretária Estadu portugueza atu mai observa diretamente progresu  sira husi kooperasaun entre Governu Timor-Leste no Portugál iha área Komunikasaun Sosiál, ne’ebé maka hahú ona iha tinan 2007. Governu portugueza kolabora mós iha harii tore emisaun sira balun iha kapitál sira husi munisípiu neen. Aleinde ne’e, fó mós apoiu ba Rádiu Televisaun Timor-Leste – RTTL iha área jurídika, hodi elabora Lei Komunikasaun Sosiál no formasaun iha lian portugés, hahú husi hala’o kooperasaun ne’e.

Sekretáriu Estadu Komunikasaun Sosiál subliña mós katak vizita ida ne’e serve atu hametin  kooperasaun sira entre nasaun rua. Nélio SECOMSrecebeSENEC-PT_3_PGIsaac Sarmento hateten katak nia ko’alia ona ho Sekretária Estadu portugueza nian kona-ba posibilidade  ba kooperasaun balun, liu-liu iha área lian portugueza, no mós kona-ba apoiu atu hadi’a  programa sira iha Portugés iha rádiu no iha Televisaun Timor-Leste nian.

SECOMS konsidera katak ne’e presiza investe orsamentu  ba iha formasaun rekursu umanu sira no fundamentál liu iha área Komunikasaun Sosiál. Ba ne’e dunik maka nesesita halo formasaun ba jornalista sira iha rai laran no li’ur, no mantein formasaun espesiál de’it ba lian, ne’ebé oras ne’e daudaun hala’o hela.

Iha fatin hanesan, Teresa Ribeiro hatete katak ne’e nesesáriu atu ko’alia ho autoridade timoraon sira, atu hodi hatene kona-ba saída mak importante liu iha kooperasaun husi nasaun rua ne’e. Ha’u sente impresionada tebes ho saída mak ha’u haree, liu-liu empeñu polítiku SECOMS nian. Sekretária Estadu ne’e hatudu  impresionada ho progesu sira ne’ebé hetan ona iha ámbitu husi projetu Konsultóriu Lia: “Ha’u hatene katak iha ne’e, ema barak iha vontade atu habelar projetu ne’e, tanba iha kandidatu barak ne’ebé maka hakarak tuir formasaun. Ne’e hatudu katak, ha’u mai loos iha tempu ida oportunu atuhodi hatan ba imi nia nesesidade sira. Portugál kontente tebes bainhira kontribui ba dezenvolvimentu atividade sira iha Timor-Leste nian, liu-liu iha projetu ida ne’e.”

SECOMSrecebeSENEC-PT_2_PGSECOMS mós insentiva jornalista sira atu aprende lian portugueza, ba rádiu no jornál sira bele ona ko’alia no hakerek portugés, iha tinan rua ka tolu nia laran.Ohin loron, ita haree katak iha jornál  Timor-Leste nian iha pájina ida atu ba ikusnian(penúltima página) mosu hakerek ona iha lian Portugéz. Hein katak iha tinan rua oin mai, bele ona hakerek iha pájina dahuluk iha lian portugueza. Karik nune’e, ne’e hanesan avansu di’ak ida ne’ebé sei permite katak loron ida, ema barak bele ko’alia ona Portugéz.

Teresa Ribeiro akompaña tiha husi Embaixadór Portugál nian iha Timor-Leste, Manuel António Gonçalves de Jesus, Prezidente institutu Kamóes, Ana Paula Laborinho, Adjuntu Sekretária Estadu nian, João Albuquerque, no Adida ba Kooperasaun iha Embaixada Portugál nian iha Díli, Daniela Pereira.

   Ba leten