Kalendáriu kona-ba eleisaun prezidensiál sira

Husi 05 fev toó 20 mai

- Loron 5 fulan-fevereiru: prazu ba aprezentasaun kandidatura sira ba Tribunál Rekursu remata ona;
- Loron 18 fulan-fevereiru: Tribunál Rekursu fó hatene ba Sekretariadu Tékniku Administrasaun Eleitorál (STAE) no ba Komisaun Nasionál Eleisaun (CNE) kandidatura hirak ne’ebé admiti ona ; STAE fó sai númeru no fatin sentru sira votasaun nian no estasaun sira votu nian;
- Loron 19 to’o 21 fulan-fevereiru: STAE fó sai kandidatura sira ba públiku;
- Loron 3 to’o 17 fulan-marsu: períodu kampaña eleitorál nian;
- Loron 20 fulan-marsu: loron votasaun nian;
- Loron 23 to’o 25 fulan-marsu: apuramentu finál husi rezultadu sira, responsabilidade CNE nian;
- Loron 2 fulan-abríl: publikasaun iha Jornál Repúblika kona-ba rezultadu sira votasaun nian, hafoin períodu ida aprezentasaun nian husi rekursu eventuál sira kona-ba rezultadu nasionál sira.

Bainhira laiha kandidatu ida maka hetan maioria absoluta iha volta dahuluk nian, sei loke fila fali prosesu ba votasaun daruak nian.
- Tribunál Rekursu fó sai Avizu, hodi indika kandidatu sira ba faze daruak eleisaun nian no prosede ba sorteiu kandidatura nian sira, ba ordenasaun iha boletin votu nian;
- Husi Loron 3 to’o loron 17 fulan-abríl: períodu kampaña eleitorál;
- Loron 20 fulan-abríl: loron votasaun nian;
- Husi Loron 23 to’o loron 25 fulan-abríl: apuramentu finál rezultadu sira nian, responsabilidade husi CNE;
- Loron 3 fulan-maiu: publikasaun iha Jornál Repúblika kona-ba rezultadu sira votasaun nian, hafoin períodu aprezentasaun nian ida husi eventuál rekursu sira kona-ba rezultadu nasionál sira;
- Loron 20 fulan-maiu: Prezidente Repúblika foun simu pose.

   Ba leten