Diskusaun no votasaun kona-ba OJE nian ba tinan 2017
Proposta lei n. 47/III (da-5) – Orsamentu Jerál Estadu nian ba tinan 2017 – Parlamentu Nasionál sei hahú debate, iha loron 23 fulan-novembru tinan 2016, no tenke hetan ona votasaun iha jeneralidade hafoin loron tolu tuirmai (iha loron 25).
Diskusaun no votasaun iha espesialidade tenke hahú iha loron 30 fulan-novembru no másimu sei hanaruk to’o loron sanulu (to’o loron 14 fulan-dezembru tinan 2016).
Hafoin apresiasaun iha espesialidade ba artigu sira hotu husi proposta lei ne’e, sei hala’o votasaun finál globál kona-ba testu husi proposta lei ne’e ho alterasaun sira ne’ebé hetan ona aprovasaun.
Dokumentu finál – Lei Orsamentu Jerál Estadu nian ba tinan 2017 – sei haruka ba Prezidente Repúblika, atubele hetan promulgasaun.
Proposta lei ne’e Governu haruka ba Parlamentu Nasionál, iha loron 13 fulan-outubru.
