Atleta timoroan sira iha Jogu Olímpiku Riu 2016

Kin. 04 agostu 2016, 17:26h
DelegacaoOlimpicaRio2016_PG

Timor-Leste partisipa ho atleta na’in tolu iha Jogu Olímpiku Rio 2016 nian sira, ne’ebé hahú iha loron 5 fulan- agostu. Augusto Ramos Soares no Nélia Martins kompete iha modalidade Atletizmu nian – metru 1500 no Francelina Marques Cabral (Anche) reprezenta iha modalidade Siklizmu XCO (“cross-country”) iha Jogu Olímpiku.

Augusto Santos Soares reprezenta Timor-Leste iha maratona Jogu Olímpiku nian sira Pekin nian, iha tinan 2008 no Londres nian, iha tinan 2012. Nélia Martins partisipa ona iha Jogu Olímpiku Veraun Juventude nian, iha 2014.

Jogu Olímpiku Rio 2016 nian sira, hala’o to’o loron 21 fulan-agostu. Konpetisaun Atletizmu – 1500 metrus nian sei hala’o iha loron 12 (Nélia Martins) no loron 16 (Augusto Ramos Soares), no Siklizmu XCO, iha loron 20.

Atleta na’in tolu ne’e to’o iha Aldeia Olímpika, iha Riu-de-Janeiru, iha loron 29 fulan-jullu.

Atu haree Komunikadu Imprensa Portavós Governu nian kona-ba Timor-Leste nia partisipasaun iha Jogu Olímpiku Rio 2016 nian sira, klik iha ne’e.

   Ba leten