Komisaun Konsiliasaun remata ona sorumutuk prosesuál dahuluk nian
Ministru Estadu no Prezidénsia Konsellu Ministru no
Portavós Ofisiál Governu Timor-Leste
Díli, loron 30 fulan-jullu tinan 2016
Komisaun Konsiliasaun remata ona sorumutuk prosesuál dahuluk nian
Negosiadór Prinsipál Timor nian ba Fronteira Tasik (Marítima), Ministru Planeamentu no Investimentu Estratéjiku, Kay Rala Xanana Gusmão, partisipa iha Sorumutuk Prosesuál Dahuluk Komisaun Konsiliasaun nian ne’ebé hala’o iha sede Tribunál Permanente Arbitrajen, iha Haia, Holanda, iha loron 28 fulan-jullu.
Ida ne’e hanesan sorumutuk dahuluk kona-ba Konsiliasaun Kompulsória entre Repúblika Demókratika Timor-Leste ho Komunidade Austrália, tuir buat ne’ebé temi iha aneksu V husi Konvensaun Nasoins Unidas nian kona-ba Direitu Tasik.
Komunikadu imprensa ida fó sai husi Tribunál Permanente Arbitrajem nian, kona-ba sorumutuk ida ne’e bele haree iha http://pcacases.com/web/send attach/1813
REMATA
