Governu Timor-Leste

Loron : 27 fulan-jullu
Fatin : Salaun Nobre Ministériu Negósiu Estranjeiru no Kooperasaun, Dili

Durante loron tolu, majistradu, profesór universitáriu, advogadu no jurista sira husi Angola, Brazíl, Kabuverde, Giné-Bisau, Mosambike, Portugál, Saun Tomé no Prínsipe no Timor-Leste, sei hetan biban hodi ko’alia kona-ba temátika sira ne’ebé diferente , iha ámbitu painél prinsipál haat:
− Estadu Direitu, Konstituisaun no independénsia judisiál;
− Independénsia judisiál no jurisdisaun;
− Estadu Direitu, polítika kriminál sira no independénsia judisiál;
− Independénsia judisiál, administrasaun justisa no sistema judisiál sira: organizasaun judisiária, estatutu profisionál nian sira no jestaun prosesuál.

Ministru Justisa, Ivo Valente, sei marka prezensa iha loron 27 fulan-jullu, iha sesaun solene abertura nian. Iha loron 29 fulan-jullu, enserramentu konferénsia nian ne’e sei taka husi Profesór Doutór Eduardo Vera-Cruz Pinto, hosi Universidade Lisboa, ne’ebé sei ko’alia kona-ba “Independénsia judisiál no Estadu Direitu nian”.
Eventu ne’e remata ho realizasaun Asembleia-Jerál Uniaun Internasionál Juiz sira Lian Portugeza nian.