OJE Retifikativu tinan 2016 nian aprova ona ho unanimidade husi Parlamentu Nasionál
Kua. 13 jullu 2016, 15:58h
Proposta Lei no 41/III/4.a – retifikasaun Orsamentu-Jerál Estadu (OJE) ba tinan 2016 - ohin aprova ona iha Parlamentu Nasionál, durante hala’o votasaun ikus nian.
Proposta Lei ne’e aumenta OJE iha dolar millaun 391, tuir despeza ba tinan 2016 iha dolar millaun 1.952,9. Ho alterasaun ne’e, hakarak fó kontinuasaun ba projetu infraestrutura importante sira ba dezenvolvimentu país nian, no atu labele hatodan orsamentu ba tinan 2017 nian no projetu boot sira ne’ebé atraza iha ninia andamentu.
Parlamentu Nasionál, aprova ona Proposta Lei Governu nian ho unanimidade.
