Vise-Ministra Saúde lansa Programa Hakbi’it

Kua. 08 juñu 2016, 15:17h
22215608-1c7e-474d-8d29-dfae7171c528

Vise-Ministra Saúde, Ana Isabel, lansa Programa Hakbi’it tinan ida ne’e nian iha Kovalima, iha loron 7 fulan-juñu. Programa asisténsia téknika ba Ministériu Saúde ne’e hetan apoiu husi Governu Estadus Unidus Amerika, liuhusi Ajénsia Estadus Unidus nian ba Dezenvolvimentu (USAID).

Objetivu husi programa ne’e mak atu hasa’e kapasidade profisionál saúde nian sira ne’ebé maka hala’o serbisu iha baze, liu-liu kona-ba jestaun.

Ana Isabel iha nia diskursu hateten katak apoiu husi Governu Amérika ba programa ne’e to’o ona dala haat.

Projetu ne’ebé implementa husi Johns Know Inc (JSI) no Research and Training Institute ne’e, atu ajuda harii kapasidade servisu saúde ne’ebé forte liután ho rezultadu hasa’e kualidade no utilizasaun servisu ba programa saúde nian, liuliu ba bebé foin móris sira, labarik no adolesente no programa espasu entre oan.

Projetu ne’e foka liu ba asisténsia téknika iha nivel nasionál ho kolaborasaun husi Ministériu Saúde, Institutu Nasionál Saúde iha Kovalima, kolaborasaun servisu Saúde Munisípiu, Ospitál Referál, fasilidade saúde Kuidadu Saúde Primária  no lider komunidade nian sira.aaeb780a-d519-40d1-a78b-0f4fcb1bde9f

Vise-Ministra ne’e realsa, “Ita bele iha polítika oioin husi nasionál, maibé ita-nia kapasidade atu implementa iha okos mak ladún forte, sai dezafiu boot ida. Tanba ne’e, Ministériu Saúde hili atu kontinua serbisu hamutuk ho Estadus Unidus América, liuhosi programa JSI, atu hakbi’it nafatin ita-nia profisionál saúde sira, liuliu iha área jestaun,” Vise Ministra hateten.

Maski nune’e, Embaixadora Estadus Unidus Amérika nian, Karen Stanton hateten, Governu Estadus Unidus sai ona parseiru ida ne’ebé orgullu ba Governu Timor-Leste hahú kedas iha  independénsiafó asisténsia hodi hatún mortalidade ba labarik ki’ikoan sira, liu tinan sanulu-resin-haat liubá.

Programa HAKBI’IT nu’udar kolaborasaun úniku entre Ministériu Saúde, Institutu Nasionál Saúde, USAID no JSI. Ekipa ida-ne’e servisu hamutuk ona iha Timor-Leste, iha dékada ida resin ona hodi hadi’a família nia saúde, inklui saúde inan, kosok oan ne’ebé foin moris, labarik ki’ik sira no foin sa’e sira.

b1eabde8-515b-4429-80b2-f49aeb2269caTuir Embaixadora, Ministériu Saúde hala’o ona progresu ne’ebé di’ak tebes atu hadi’a rezultadu saúde no atu alkansa Meta Dezenvolvimentu Miléniu númeru haat.

“Governu Estadus Unidus nia esforsu ba saúde mak foka liu ba oinsá hapara mortalidade ba labarik no inan sira husi moras no problema ne’ebé bele previne”, Karen hateten.

entretantu, Administradór Munisípiu  Kovalima, José Pina Cardoso, hateten, rezolve problema saúde la’ós husi  ema sira ne’ebé maka servisu iha saúde, maibé povu tomak, liuliu lider lokál sira hahú husi Aldeia, Suku, Postu no Munisípiu.

   Ba leten