Sorumutuk Ministeriál sira Edukasaun no Siénsia nian, Teknolojia no Ensinu Superiór sira CPLP nian, iha Dili
Fatin: Otél Timor
Husi loron 22 to’o 25 fulan-maiu, Dili sai hanesan uma-na’in ba eventu balun ne’ebé relasiona ho área Edukasaun no Siénsia, Teknolojia no Ensinu Superiór CPLP nian.
Iha loron 23 hala’o Konferénsia Internasionál ho tema “Polítika Edukasaun no Investigasaun Siéntifika nian iha Estadu-Membru sira CPLP nian”.
Iha loron 24 iha sorumutuk IX Ministru Edukasaun sira nian no iha loron 25 iha sorumutuk VII, Ministru Siénsia, Teknolojia no Ensinu Superiór sira nian. Molok Sorumutuk rua ne’e iha uluk enkontru tékniku entre Pontu Fokál sira.
Iha sorumutuk rua ne’e sei avalia grau implementasaun nian husi deliberasaun hirak ne’ebé hatuur ona iha Deklarasaun Finál sira, tantu iha dimensaun Edukasaun CPLP nian no mós iha Siénsia, Teknolojia no Ensinu Superiór nian (Luanda, tinan 2012, Maputu, tinan 2014, Dili, tinan 2015).
Atu fó hatene de’it katak sei aprezenta Portál Edukasaun CPLP nian no dokumentáriu ida kona-ba atividade hirak ne’ebé dezenvolve ona iha área ida ne’e. Kona fali ba Siénsia, Teknolojia no Ensinu Superiór sei lansa mós Portál ne’ebé maka tau-hamutuk informasaun iha dimensaun CPLP nian ida ne’e.
Iha sorumutuk rua ne’e sei aprova Deklarasaun Finál sira ne’ebé iha ninia laran sei hatuur desizaun sira husi órgaun CPLP nian sira ne’e.
