Primeiru-Ministru ho Sekretáriu Estadu Vatikanu nian, Kardeál Pietro Parolin, enviadu espesiál husi Papa Francisco nian ba Timor-Leste aranka ba Santa Sé, iha Roma, Itália, iha tersa-feira, loron 1 fulan-marsu tinan 2016, hodi entrega ratifikasaun kona-ba akordu ne’ebé asina ona iha Dili, iha fulan-agostu tinan 2015.
Hafoin hetan ratifikasaun husi Parlamentu Nasionál, iha loron 26 fulan-outubru tinan 2015, Primeiru-Ministru agora sei bá entrega rasik ba Amu Papa Francisco, dokumentu jurídiku ne’ebé define relasaun sira Repúblika Demokrátika Timor-Leste ho Santa Sé no Igreza Katólika, iha loron 3 fulan-marsu ne’e.
Sira ne’ebé akompaña Primeiru-Ministru ba Sidade Vatikanu, Vise-Prezidente Parlamentu Nasionál, Adérito Hugo da Costa no Vise-Ministru Negósiu Estranjeiru no Kooperasaun, Roberto Soares.