Timor-Leste simu sorumutuk Ministru Saúde nian sira husi Sudeste Aziátiku
Ministru Estadu no Prezidénsia Konsellu Ministru no
Portavós Ofisiál Governu Timor-Leste
Dili, loron 4 fulan-setembru tinan 2015
Timor-Leste simu sorumutuk Ministru Saúde nian sira husi Sudeste Aziátiku
Iha semana oin, ministru saúde sira no reprezentante sira husi país sanulu-resin-ida ne’ebé halo parte iha Komité Rejionál Sudeste Aziátiku nian husi Organizasaun Mundiál Saúde nian, sei hala’o sorumutu iha Díli. Partisipante sira husi Bangladexe, Butaun, Repúblika Populár Demokrátika Koreia, Índia, Indonézia, Maldivas, Myanmar,Nepál, Srilanka, Tailándia no Timor-Leste sei hala’o sorumutu iha Sentru Konvensaun Díli ba-daneenuluk-resin-ualu Komité Rejionál Sudeste Aziátiku husi Organizasaun Mundiál Saúde nian (OMS).
Durante semana nia laran hala’o sorumutuk sira nian, delegadu sira sei “define prioridade sira kona-ba saúde no diskuti mós ajenda ba Rejiaun”, ho konsulta sira ba kolega, espesialista no funsionáriu sira OMS nian, inklui Diretóra OMS ba Sudeste Aziátiku Dra. Poonam Singh Khetrapal. Entre asuntu hirak seluk ne’ebé maka sei diskuti inklui atu hala’o lalais medida sira hodi proteje ema kontra tabaku, defeza ba objetivu sira saúde nian ba Ajenda Globál Dezenvolvimentu Sustentável nian pós-2015, no haboot liután servisu sira ne’ebé efikáz liuhusi forsa laboral ida maka’as iha saúde.
Primeiru-Ministru, Rui Maria de Araújo, sei halo diskursu bainhira loke sorumutuk ne’e iha segunda-feira no Ministrs Saúde, Maria do Céu Sarmento Pina da Costa maka sei fó boazvindas ba bainaka internasionál sira.
Komité Rejionál mak órgaun desizaun másimu nian husi OMS iha Rejiaun no sira hala’o sorumutuk tinan-tinan.
Portavós VI Governu Konstitusionál, Ministru Estado Ágio Pereira hatete katak “Governu Timor-Leste fó boazvindas ba partisipante sira Komité Rejionál Sudeste Aziátiku nian husi Organizasaun Mundiál Saúde. Durante tinan barak, OMS nu’udar parseiru ida ne’ebé mak efikáz iha Timor-Leste, liuliu previne no kontrola moras sira, no ami sente onra boot ida hodi simu sorumutuk annual ida ne’e. Ami hakarak tebes atu lalais halo parte ho Ministru sira no Na’I Ulun sira saúde nian husi rejiaun, atu fahe esperiénsia, dezenvolve forma ne’ebé di’ak hodi serbi povu Timor-Leste no atuhodi alkansa ami ninia objetivu: povu saudável, komunidade sira no nasaun saudável."
