Sorumutuk Konsellu Ministrus loron 1 fulan-setembru 2015
Prezidénsia Konsellu Ministrus
VI Governu Konstitusionál
..............................................................................................................................
Díli, loron 1 fulan-setembru tinan 2015
Sorumutuk Konsellu Ministrus loron 1 fulan-setembru 2015
Konsellu Ministrus hala’o sorumutuk tersa-feira ne’e, iha loron 1 fulan-setembru tinan 2015, iha sala sorumutuk Konsellu Ministrus nian, iha Palásiu Governu, Díli, no aprova ona:
1. Dekretu-Lei kona-ba lisensiamentu importadór sira foos nian
Foos ne’ebé tuir kultura importante ba-iha dieta sidadaun nasionál sira no nia nu’udar bein nesesidade dahuluk nian. Nune’e, presiza garante nafatin ninia abastesimentu, liuhusi medida no polítika oin-oin.
Konsellu Ministrus mós análiza ona mós:
1. Aprezentasaun husi relatóriu ezekusaun ba Konvensaun Internasionál nian kona-ba Protesaun ba Direitu Traballadór Migrante nian sira
Tuir Konvensaun Internasionál kona-ba Protesaun ba Direitu Traballadór Migrante Hotu-hotu no Membru Família Sira nian, ne’ebé Timor-Leste mós halo parte, Governu prepara ona relatóriu inisiál ida, ne’ebé hatudu situasaun migrante sira nian iha país, nune’e bele tuir regra konvensaun nian rasik.
Elabora ona relatóriu hafoin halo tiha análize hamutuk husi SEFOPE ho instituisaun relevante sira, hanesan Ministériu Justisa, Servisu Migrasaun, Ministériu Negósiu Estranjeiru no Kooperasaun no Sekretaria Estadu ba Apoiu no Promosaun Sósiu-Ekonómika Feto sira nian. Sosiedade sivil, setór privadu no reprezentante embaixada sira nian iha Timor-Leste, mós halo parte ba-iha iha konsulta integrada ida ne’e.
2. Aprezentasaun programa Komemorasaun sira tinan 500 ba Afirmasaun Identidade Timoroan sira nian
Ministru Administrasaun Estatál, hodi Komisaun no Organizasaun ba komemorasaun sira nia naran, hato’o ba Konsellu Ministru programa atividade sira ba apresiasaun. Serimónia sira hirak atuhodi dignifika Istória no prosesu konstrusaun identidade Timoroan sira nian, nune’e mós atu valoriza demokrasia, polítika no unidade nasionál.
3. Komemorasaun sira “Desluto Nasional” ka “Kore-Metan Nasionál” nian
Minsirtu Admninistrasaun Estatál informa ba Konsellu Ministrus kona-ba realizasaun serimónia Koremetan Nasionál nian hosi loron 4 fulan-setembru to’o loron 31 fulan-dezembru tinan 2015 iha territóriu Timor-Leste nia laran.
