Programa Governu Konstitusionál VI nian
Governu Konstitusionál VI (GK VI) simu pose iha loron 16 fulan-fevereiru tinan 2015.
Programa GK VI nian analizadu no diskutidu iha sorumutu estraordináriu Konsellu Ministrus nian, loron sanulu-resin-ida depoisde simu pose (Komunikadu Imprensa husi sorumutu estraordináriu Konsellu Ministrus nian iha loron 27 fulan-fevereiru tinan 2015), no hetan aprovasaun loron haat tuirmai (Komunikadu Imprensa husi sorumutu Konsellu Ministrus nian iha loron 3 fulan-marsu tinan 2015).
Programa ne’e, ho pájina hamutuk 85, aprezenta ba Parlamentu Nasionál iha loron 24 fulan-marsu, no apresiasaun ba Programa ne’e dura loron rua (Komunikadu Imprensa Portavós iha loron 26 fulan-marsu tinan 2015)
Dokumentu ne’e disponivel iha lian Portugués no Inglés iha kategoria Governu/subkategoria Publikasaun sira, no mós iha kategoria Governu/subkategoria Programa.Tradusaun Programa GK VI ba lian Tetun sei publika.
