Toleránsia pontu iha loron 2 fulan-abril
Prezidénsia Konsellu Ministrus
VI Governu Konstitusionál
..............................................................................................................................
Díli, Loron 31 Fulan-marsu Tinan 2015
Komunikadu Imprensa
Toleránsia pontu iha loron 2 fulan-abril
Governu Konstitusionál VI Timor-Leste nian diside ona fó toleránsia pontu iha loron 2 fulan-abril 2015, durante loron tomak, ba funsionáriu no ajente ministériu sira ka servisu ne’ebé sira depende ba, nune’e mós institutu no organizmu ne’ebé tama iha administrasaun indireta Estadu nian.
Desizaun ida ne’e bazeia ba Lei n.u 10/2005 loron 10 fulan-agostu nian, ne’ebé determina loron feriadu nasionál, data ofisiál komemorativa no toleránsia pontu. Entre data ofisiál komemorativa hirak ne’e, Kinta-feira Santa mak iha tinan-tinan la monu iha loron hanesan.
Kinta-Feira Santa, tinan ida ne’e sei selebra iha loron 2 fulan-abril, loron ikus kuarezma nian iha kalendáriu relijiaun katólika nian, no loron ne’e nu’udar loron boot no importante tebes-tebes ba komunidade Kristaun Timor-Leste nian.
