Sorumutu estraordinária Konsellu Ministru loron 5 fulan marsu tinan 2015
Prezidénsia Konsellu Ministrus
VI Governu Konstitusionál
..............................................................................................................................
Díli, Loron 5 Fulan-marsu Tinan 2015
Komunikadu Imprensa
Sorumutu estraordinária Konsellu Ministru loron 5 fulan marsu tinan 2015
Konsellu Ministru hala’o sorumutu estraordináriamente iha kinta-feira ida ne’e, iha loron 5 fulan marsu tinan 2015, iha sala sorumutu Konsellu Ministru nian, iha Palásiu Governu, iha Díli, no halo análize ba Proposta lei ne’ebé mak aprova alterasaun dahuluk ba Lei n0 6/2014, loron 30 fulan dezembru (Orsamentu Jeral Estadu nian ba 2015).
Aprovasaun liu tiha loron rua ( iha sorumutu Konsellu Ministru iha tersa-feira) ba Programa Governu Konstitusionál da-neen nian, ne’ebé entrega ona ohin ba-iha Parlamentu Nasionál, Konsellu Ministru hala’o sorumutu hodi analiza proposta lei ne’ebé aprova Alterasaun Dahuluk ba Orsamentu Jeral Estadu nian ba 2015.
Hafoin halo tiha análize detellada ba dotasaun orsamentál sira, Ministériu Finansas sei halo ajuste ne’ebé mak presiza ba dokumentu ne’e. Konsellu Ministru sei diside kona-ba diploma ne’e iha biban ne’ebé mak própriu.
