Primeiru-Ministru entrega pedidu formál kona-ba rezignasaun ba Prezidente Repúblika
Ministru Estadu no Prezidénsia Konsellu Ministru no
Porta-Vóz Ofisiál Governu Timor-Leste
Dili, loron 6 fulan-fevereiru tinan 2015
Primeiru-Ministru entrega pedidu formál kona-ba rezignasaun ba Prezidente Repúblika
Primeiro-Ministro de Timor-Leste, [Primeiru-Ministru Timor-Leste nian], Kay Rala Xanana Gusmão, entrega ona nia karta rezignasaun husi kargu Primeiro-Ministro nian ba Presidente da República [Prezidente Repúblika].
Agora kompete fali ba Prezidente Repúblika konsidera no responde karta rezignasaun nian ida ne’e.
Tuir Lei 07/2007, Primeiro-Ministro sei hakotu ninia funsaun sira bainhira Presidente da República fó pose ba Primeiro-Ministro foun.
Primeiro-Ministro enkoraja membru Governu hotu-hotu atu kontinua halo serbisu ho hakmatek iha momentu tranzinsaun nian ida ne’e to’o Governu foun simu pose. Tuir Constituição [Konstituisaun], Presidente da República sei halo konsulta ho partidu polítiku hotu-hotu husi Parlamento Nacional no Conselho de Estado.
Portavós V Governo Constitucional, Ministro de Estado [Ministru Estadu] Agio Pereira, hateten katak “membru Governo sira – ne’ebé mak sei kontinua no sira ne’ebé mak sei sai no sira ne’ebé mak sei bele tama iha ezekutivu – kontinua nafatin hala’o servisu hamutuk, hodi prevalese interese nasionál Timor-Leste nian, no komprimisu atu respeita ba dignidade no legadu “Maun-Bo’ot Xanana” nian, bainhira nia sei halo tranzisaun ba lideransa, hafoin lidera tiha Luta Libertasaun Nasionál nian to’o nia rohan, hodi kompleta tinan lima ninia mandatu nu’udar Presidente da República no tinan hitu ho balun nu’udar Primeiro-Ministro”.
