Ministru Estadu no Prezidénsia Konsellu Ministru no

  Porta-Vóz Ofisiál Governu Timor-Leste

Dili, loron 17 fulan-dezembru tinan 2014

Solidariedade no kondolénsia hafoin mosu serku iha Sidney

 

Governu Timor-Leste hatudu ninia solidariedade ba povu Austrália, ne’ebé foin dadaun ne’e hasoru serku iha Sidney, no hato’o ninia kondolénsia ba familia no amigu hosi ema hirak mate iha akontesimentu trájiku ida ne’e.

Polísia no Proteksaun Sivil sira servisu maka’as iha situasaun ida difísil tebes ne’e no Governu louva esforsu hirak atu minimiza ema lakon sira nia moris. Governu rekoñese apelu hirak kona-ba atu hakmatek nian, nune’e mos mensajen hirak pozitivu kona-ba amizade no apoiu, hosi ema Australia sira.

Timor-Leste hatudu ninia solidariedade ho povu Austrália nian iha tempu difisil ida ne’e.