Toleránsia pontu iha loron 15 no 20 fulan agostu tinan 2014
Prezidénsia Konsellu Ministrus
V Governu Konstitusionál
..............................................................................................................................
Díli, Loron 14 Fulan Agostu Tinan 2014
Komunikadu Imprensa
Toleránsia pontu iha loron 15 no 20 fulan agostu tinan 2014
Governu hakotu atu fó toleránsia pontu iha loron 15 no loron 20 fulan-agostu tinan 2014 ba funsionáriu no ajente hosi ministériu ka servisu dependente no mós ba institutu no organizmu nian sira ne’ebé tama ba-iha administrasaun indireta Estadu nian.
Desizaun ida ne’e foti tuir Lei n.u 10/2005, loron 10 fulan-agostu, ne’ebé determina kona-ba loron feriadu nasionál nian sira, loron ofisiál komemorativa no toleránsia pontu.
Iha loron 15 fulan-agostu selebra loron Na’in Feto Sa’e ba Lalehan, nu’udar loron solene ida ne’ebé importante tebes ba Komunidade Sarani timoroan. Iha loron 20 fulan-agostu komemora aniversáriu FALINTIL, nu’udar loron istóriku ida importante ba Nasaun, tanba ne’e Governu hakotu atu fó toleránsia pontu iha loron rua ne’e.
