Governu Timor-Leste nian, liuhusi Ministériu Finansas, organiza Sorumutuk ho Parseiru Dezenvolvimentu Timor-Leste nian sira (sigla iha lian inglés: TLPDM), ne’ebé sei hala’o iha loron 25 no 26 fulan Jullu tinan 2014, Iha Sentru Konvensaun Dili.
TLDPM (Timor-Leste Development Partners Meeting) mak konferénsia anuál, Nivel Aas ida, ne’ebé Governu hala’o sorumutuk ho parseiru dezenvolvimentu nasaun nian sira hotu atu halo reflesaun ida kona-ba objetivu hirak ne’ebé alkansa ona no análize ida kona-ba dezafiu hirak ne’ebé sei hasoru, tuir planu estratéjiku ba futuru nasaun nian.