Avizus Legais

 

Atu utilizadór hatene:

Sítiu ka fatin ida ne’e Governu konsidera hanesan Servisu Públiku, ne’ebé konsidera mós públika informasaun ne’ebé iha nia laran.

Proíbe maka’as tebes kualkér tentativa atu altera tiha informasaun, ka halo karregamentu informasaun, ka naran halo asaun seluktán hodi halo sai aat ka tau iha risku integridade sistema ida ne’e.

Deklarasaun ezonerasaun ka la obrigadu simu responsabilidade

Portál Governu Timór-Leste iha objetivu atu hadi’a asesu Públiku ba informasaun kona-ba polítikas públikas no kona-ba inisiativas Governu Repúblika Demokrátika Timór-Leste nian.

Materiál ne’ebé tau iha sítiu ida ne’e, mesak informasoens ho karáter jerál ne’ebé la la presiza katak tenke ezaustivas ka kompletu liu, rigorozas no atualizadas.

Dala ruma liga ho sítius husi li’ur ne’ebé Governu la iha kontrolu, tanba ne’e mak sei la naran asume ka simu responsabilidade ida.

Portál Governu Timór-Leste nian ne’e, labele garante katak dokumentu ida ne’ebé disponível iha linha bele reprodúz tuir loloos kedas textu ne’ebé adopta ofisialmente. Tanba ne’e, mak só versaun atus ne’ebé publika tiha ona iha Jornál Repúblika mak konsidera hanesan autêntika.

Portál ne’e nia objetivu mak atu hamenus inkonvenientes ka problemas tanba errus Téknikus. Maski nune’e dadus ka informasaun balu ne’ebé tau iha portál ne’e, bele mós kria ka estrutura iha fixeirus ka formatus ne’ebé dala ruma sala, ho nia konsukênsia katak labele garante interrupsaun ka evita perturbasaun servisu tan de’it ba problemas hirak ne’e. O Governu sei la simu kualkér responsabilidade tanba problemas ne’ebé mosu, bainhira halo konsulta iha sítiu ida ne’e ka sítius husi li’ur ne’ebé ligadus ho nia.

Deklarasaun kona-ba protesaun ba autór nia Direitus

Konteúdu portál Governu Timór-Leste protejidu ho Direitus Autór nian bazeia ba leis ne’ebé vigora no konvensoens internasionais, tanba ne’e mak labele utiliza se la kumpri kondisoens ne’ebe´admiti iha Portál ne’e.

Utilizadór bele kopia, importa ka uza informasoens ka símbolus nasionais ne’ebé iha portál ne’e, i lalika selu, ba uzu pesoál ka públiku, se la iha finalidades ilísitas ka ilejítimas, lukrativas ou ofensivas. Utente ka ema ne’ebé uza tenke temi fonte informasaun.

Kona-ba sítius hirak ne’ebé portál ne’e halo ligasaun tenke hetan uluk lai autorizasaun husi autores materál ida ne’e nian ka tenke temi fonte  tuir deklarasoens direitus autór ida-ida.

Direitus autor nian la aplika ba diskursus, deklarasoens, komunikadus ne’ebé membrus Governu sira halo, maski sira nia autores, data no sirkunstânsias tenke temi nafatin atu informasaun ne’ebé bele di’ak.

Deklarasaun konfindensialidade

Informasaun ne’ebé hetan kona-ba vizitantes portál nian la’ós karáter pesoál, tanba ne’e mak presiza asegura konfidensialidade kona-ba identidade vizitante nian.

Maibé sei bele halo identifikasaun kona-ba utilizadores bainhira sira halo sala ruma iha Portál laran, viola nia kódigu konduta, ka tuir ezijênsia desizaun Judisiál.

Karik vizitante haruka mensajen ba portál Governu Timór-Leste, nia enderesu  sei la fó sai, exeptu halo pedidu tuir sentensa judisiál.

 

 

   Ba leten