Serimónia abertura Kursu Fuzileirus Navál ba Daruak F-FDTL nian
Komandate Falintil-Forsa Defeza Timor-Leste(F-FDTL), Majór Jenerál Lere Anan Timur, iha segunda- feira, loron 28 fulan Maiu tinan 2012, ofisialmente loke kursu Fuzileiru Navál ba daruak nian iha Komponente Navál, Hera, Díli
Membru F-FDTL sira ne’ebé partisipa iha kursu ne’e hamutuk 34, kompostu hosi, Ofisiál nain hitu, sarjentu nain sanulu resin ualu, no prasa nain sanulu resin sia.
Majór Jenerál F-FDTL, Lere Anan Timur iha abertura loke kursu ne’e hatete katak, primeiru ha’u hakarak hato’o agradese ba ekipa Portugés sira, tanba bele ajuda transforma ona forsa gerilla ba forsa profisionál, tanba ne’e imi sira ne’ebé tuir kursu fuzileiru navál, rai maran, tasi-laran, atu ema ida-idak fó imi kontribuisaun ho esforsu fiziku, esforsu mental, espiritu, sakrifisiu,dixiplina no responsabilidade ba kursu ida ne’e, atu nune’e imi bele sai fuzileiru loloos.
Kursu ne’e sei hala’o durante fulan haat nia laran ho instrutór sira mai hosi militár Portugés nian.
