Governu Timor-Leste

Governu ne’e, liuhusi Autoridade Protesaun Sivíl no ho apoiu husi Programa Alimentár Mundiál (PAM), fornese apoiu emerjénsia ba populasoins ne’ebé afeta husi inundasaun no rai halai kauza husi udan boot ne’ebé estraga país ne’e iha semanas ikus ne’e. 

Munisípiu sia husi munisípiu 14 maka afetadu, destroi ka estraga uma, infraestruturas no sasán ba nesesidade bázika sira seluk. Tuir Autoridade Protesaun Sivíl, totál família 350 maka afeta hosi tempu aat refere.

Autoridade Protesaun Sivíl, kolabora ho PAM no parseirus seluk, fornese ona ai-han no sasán ba nesesidade bázika ba komunidades afetadas.

Ho apoiu lojístiku husi PAM iha transporte, Governu ne’e distribui ai-han tonelada 220 resin, sasán sira seluk ne’ebé la’ós ai-han no materiais konstrusaun iha munisípius afetadus husi dezastres naturais. 

Ekipas husi Institutu Jestaun Ekipamentus no Apoiu ba Dezenvolvimentu Infraestruturas (IGEADI – Sigla iha lian portugés) iha ona terrenu hodi halo serbisu normalizasaun ba estradas no pontes ne’ebé hetan estragus husi inundasaun no rai halai.