Komisaun Konsiliasaun kompleta ona hosi nomeasaun Prezidente nian
Ministru Estadu no Prezidénsia Konsellu Ministru no
Portavós Ofisiál Governu Timor-Leste
Díli, loron 29 fulan-juñu tinan 2016
Komisaun Konsiliasaun kompleta ona hosi nomeasaun Prezidente nian
Governu Timor-Leste hetan ona informasaun katak membru sira na’in haat ne’ebé nomeia ona ba Komisaun Konsiliasaun [ne’ebé sei to’o ba akordu ida kona-ba Fronteira Tasi nian entre Timor-Leste no Australia] foin daudaun ne’e hili ona Embaixadór Takoe-Jensen nu’udar nia membru dalimak (no ikus liu), ne’ebé sei hala’o knaar Prezindente Komisaun nian. Membru na’in haat seluk hanesan medidór ne’ebé parte rua maka hili: Juiz Abdul Koroma no Juiz Rüdiger Wolfrum, Timor-Leste maka hili; Dra. Rosalie Balkin no Profesór Donald McRae, Austrália maka hili.
Medidór sira ne’e matenek na’in iha Direitu Internasionál no sira-nia pozisaun hanesan independente iha relasaun ba parte sira. Nomeasaun ne’e husi Prezidente fó dalan atu prosesu konsiliasaun bele hala’o nafatin ba faze tuirmai - sorumutuk dahuluk hodi diskuti kona-ba prosesu no prosedimentu sira.
