Governu Timor-Leste

Prezidénsia Konsellu Ministrus

VI Governu Konstitusionál

..............................................................................................................................

Díli, Loron 17 Fulan-fevereiru Tinan 2015

Komunikadu Imprensa

Sorumutu Konsellu Ministrus loron 17 fulan-Fevereiru tinan 2015

Governu Konstitusionál VI halibur malu hodi hala’o sira nia sorumutuk dahuluk Konsellu Ministrus nian iha tersa-feira ne’e, iha loron 17 fulan-fevereiru tinan 2015 iha Salaun Nobre Ministériu Negósiu Estranjeiru no Kooperasau, iha Dili no aprova ona Dekretu-Lei ne’ebé aprova orgánika Governu Konstitusionál VI nian.

Diploma ne’e kompostu husi estrutura, orgánika, kompeténsia sira no filosofia Governu foun Repúblika Demokrátika Timor-Leste nian, nasaun ne’ebé hala’o ona dezenvolvimentu sosiopolítiku, ekonómiku no kultura ida ne’ebé mak lalais tebes, ho dezafiu sira ne’ebé mosu, iha nível internasionál maibé liuliu iha nível nasionál nian, hodi  ezije resposta hirak ne’ebé efisiente no efikáz.

Objetivu sira Governu nian, hodi kombate kultura burokratizasaun ne’ebé aas, liuhosi estrutura ida ne’ebé funsionál liu no iha kapasidade téknika, ne’ebé mak nia membru sira iha kompromisu boot tebes atu hatán ba   populasaun sira nia aspirasaun.

Estrutura foun ne’e hatán ba imperativu sira ne’e, iha posibilidade boot iha prestasaun servisu báziku ba ema timoroan sira, nune’e mós kontinuasaun ba programa no reforma sira ne’ebé sei hala’o hela, hadi’a di’ak liután metodolojia sira, hala’o administrasaun no operasionalidade kona-ba administrasaun no jestaun no mós ba implementasaun Planu Estratéjiku Dezenvolvimentu tinan 2011-20130.

Governu ne’e forma husi Primeiru-Ministru, Ministru Estadu, Ministru, Vise-Ministru no Sekretáriu Estadu sira, ho estrutura mak tuir mai ne’e:

a) Ministru Estadu no Prezidénsia Konsellu Ministrus;

b) Ministru Estadu, Koordenadór Asuntu Sosiál;

c) Ministru Estadu, Koordenadór Asuntu Ekonómiku;

d) Ministru Estadu, Koordenadór Asuntu Administrasaun Estadu no Justisa;

Ministru na’in tolu ikus  sira akomula mós pasta ida-idak mak hanesan Edukasaun, Agrikultura no Pezka no Administrasaun Estatál.

Aleinde  Ministru Estadu, halo parte mós iha Governu Ministru hirak hanesan:

a) Ministru Negósius Estranjeirus  no Kooperasaun;

b) Ministru Finansas;

c) Ministru Justisa;

d) Ministru Saúde;

e) Ministru Solidariedade Sosiál;

f) Ministru Komérsiu, Indústria no Ambiente;

g) Ministru Turizmu, Arte no Kultura;

h) Ministru Obras Públikas, Transporte no Komunikasaun;

i) Ministru Petróleu no Rekursus Minerais;

j) Ministru Defeza;

k) Ministru Interior;

l) Ministru Pleneamentu no Investimentu Estratéjiku.

Ministru sira balun, husi sira nia funsaun servisu, hetan tulun husi Vise-Ministru no Sekretáriu Estadu sira, mak tuir mai ne’e:

a) Ministru Estadu no Prezidénsia Konsellu Ministrus  nian, hosi Sekretáriu Estadu Konsellu Ministrus,  Sekretáriu Estadu Asuntu Parlamentár no hosi Sekretáriu Estadu Komunikasaun Sosiál;

b) Ministru Estadu, Koordenadór Asuntu Sosiál no Ministru Edukasaun nian, hosi Vise-Ministru Edukasaun I, Vise-Ministru Edukasaun II, hosi Sekretáriu Estadu ba Apoiu no Promosaun Sósiu-ekonómiku Feto sira nian hosi Sekretáriu Juventude no Desportu;

c) Ministru Estadu, Koordenadór Asuntu Ekonómiku no Ministru Agrikultura no Peskas nian, hosi Vise-Ministru Agrikultura no Peskas no Sekretáriu Estadu ba Polítika Formasaun Profisionál no Empregu;

d) Ministru Estadu, Koordenadór Asuntu Administrasaun Estadu no Justisa no Minstru Administrasaun Estatál nian, hosi Vise-Ministru Administrasaun Estatál, Sekretáriu Estadu Fortalesimentu Institusionál no hosi Sekretáriu Estadu Administrasaun Estatál;

e) Ministru Negósius Estranjeirus no Kooperasaun , hosi Vise-Ministru Negósius Estranjeirus no Kooperasaun;

f) Ministru Finansas, hosi Vise-Ministru Finansas;

g) Ministru Justisa, hosi Sekretáriu Estadu Terra no Propriedade;

h) Ministru Saúde, hosi Vise-Ministru Saúde;

i) Ministru Solidariedade Sosiál, hosi Vise-Ministru Solidariedade Sosiál;

j) Ministru Komérsiu, Indústria no Ambiente, hosi Vise-Ministru Komérsiu, Indústria no Ambiente;

k) Ministru Turizmu, Arte no Kultura hosi Sekretária Estadu Turizmu, Arte no Kultura;

l) Ministru Obras Públikas, Transportes no Komunikasaun hosi Vise-Ministru Obras Públikas, Transportes  no Komunikasaun I no hosi Vise-Ministru Obras Públikas, Transportes no Komunikasaun II.