Komunikadus
- 24 abril 2024Sorumutuk Konsellu Ministrus nian iha loron 24 fulan-abril tinan 2024Aprova ona:hare tan
1 - autorizasaun lejizlativa kona-ba fiksasaun limite idade relasiona ho serbisu funsionáriu públiku no ajente administrativu sira nian (PCM);
2 - donativu ho valór dolar amerikanu rihun 150 ba Fundasaun Amílcar Cabral de Cabo-Verde, ne’ebé ho intensaun atu apoia organizasaun ba Komemorasaun Sentenáriu Amílcar Cabral nia moris, (PM);
3 - alterasaun dahuluk ba Rejime Espesiál Aprovizionamentu kona-ba Vizita Sua Santidade Papa no ezekusaun Orsamentu Jerál Estadu tinan 2024 nian (MAE);
4 - votu kongratulasaun ba povu portugés Aniversáriu Revolusaun 25 fulan-abril tinan 1975 nian ba da-50 no ba ezemplu konkista fali rekuperasaun liberdade no demokrasia nian ho pasífiku (PM);
5 - toleránsia pontu ba loron 25 fulan-abril, durante loron tomak (PM). - 24 abril 2024Deklarasaun Timor-Leste nian kona-ba Konflitu iha MyanmarPrezidénsia Konsellu Ministrushare tan
Portavós Governu Timor-Leste
IX Governu Konstitusionál
...........................................................................................................................
Loron 23 Fulan-Abril Tinan 2024
Komunikadu Imprensa
Timor-Leste espresa solidariedade tomak ho Deklarasaun Líderes ASEAN nian kona-ba Konflitus iha Myanmar ne’ebé aumenta, fó-sai iha loron 18 fulan-abríl tinan 2024. Ami partilla preokupasaun kle’an ho ASEAN relasiona ho konflitus daudaun ne’ebé aumenta iha Myanmar, liu-liu iha área sira Myawaddy, iha país Kayin, iha fronteira entre Myanmar no Tailándia, no iha país Rakhine, ne’ebé rezulta dezlokamentu ema sivíl sira
Timor-Leste apela ba ASEAN hodi hapara lalais violénsia, kumprimentu direitu umanitáriu internasionál no protesaun ba sivil sira hotu, inklui estranjeiru no sidadaun Estadu-Membrus ASEAN nian. Ami apoia pasu urjente sira atu hamenus impaktu husi konflitu hasoru ema sivíl sira no ami foka liu importánsia atu kria ambiente ida seguru hodi haruka ajuda umanitária sein diskriminasaun.
Timor-Leste mós apoia esforsu Sentru AHA no inisiativa umanitária transfronteirisa Tailándia nian, ne’ebé aliña ho Konsensus Pontu Lima no ne’ebé koordena liuhusi Enviadu Espesiál Prezidente ASEAN ba Myanmar.
Aleinde ne’e, Timor-Leste fó ninia apoiu ba Prezidénsia ASEAN husi Repúblika Demokrátika Populár Laos no ba ninia Enviadu Espesiál ba Myanmar iha ninia envolvimentu kontínuu ho parte interesada sira hotu iha Myanmar no mekanizmu Myanmar nian ne’ebé sira hala’o. REMATA
- 23 abril 2024Deklarasaun Timor-Leste nian kona-ba Konflitu Israelo-PalestinuPrezidénsia Konsellu Ministrushare tan
Portavós Governu Timor-Leste
IX Governu Konstitusionál
...........................................................................................................................
Loron 23 Fulan-Abril Tinan 2024
Komunikadu Imprensa
Deklarasaun Timor-Leste nian kona-ba Konflitu Israelo-Palestinu
Timor-Leste akompaña dezenvolvimentu iha Médiu Oriente ho preokupasaun ne’ebé kle’an no Timor-Leste apoia tebes solusaun ida ba país rua ne’e hodi rezolve konflitu izraelu-palestinianu.
Timor-Leste apoia direitu povu Palestina no Izrael nian atu moris iha pás, ho dignidade no seguru.
Hanesan nasaun ne’ebé komprometidu ho direitu internasionál no rezolusaun pasífika ba konflitus, Timor-Leste subliña importánsia atu respeita soberania no independénsia ba país sira hotu. Ami afirma kompromisu atu promove diálogu, diplomasia no kooperasaun multilaterál hanesan dalan ida hodi aborda disputa sira no mantein pás no seguransa globál.
Timor-Leste prontu atu apoia inisiativa ne’ebé defende prinsípius Karta Nasoins Unidas nian no kontribui ba mundu ida iha ne’ebé bele rezolve konflitu liuhusi meius pasífikus, bazeia ba direitu internasionál no valores Nasoins Unidas nian. REMATA
- 17 abril 2024Sorumutuk Konsellu Ministrus nian iha loron 17 fulan-abril tinan 2024Aprova ona:hare tan
1 - Alterasaun dahuluk ba Dekretu-Lei n. 26/2016, loron 29 fulan-juñu, kona-ba AIFAESA, I.P. (VPM/MCAE);
2 - Podér tomak hodi asina Planu Asaun ba Kooperasaun Ekonómika no Komersiál (2024-2027), iha Fórum Macau, (VPM/MCAE);
3 - Deliberasaun hodi kria ekipa konjunta hodi halo asaun kontrolu no fiskalizasaun ho objetivu atu prevene kontrabandu no falsifikasaun ba produtu tabaku, (VPM/MCAE e MI);
4 - Rejimentu Konsellu Ministrus (PCM);
5 - Alterasaun dahuluk ba Dekretu-Lei n. 13/2016, loron 18 fulan-maiu, ne’ebé Regulamenta Fundu Insfraestruturas, (MPIE);
6 - Adjudikasaun kontratu kona-ba projetu reabilitasaun Estrada Munisipál, Pakote 2, Uatolari-Laisorulai, 0+000 – 22+000 (22Km), iha Munisípiu Vikeke (MPIE);
7 - obras ne’ebé sei kontrata hodi kontinua no finaliza, ka hodi selu ba serbisu ne’ebé hala’o ona ho efetiva, nune’e mós ba despeza ida-idak, tuir Dekretu-Lei n.15/2024, loron 20 fulan-marsu (MPIE);
8 – tema “Hametin Instituisaun Estadu Hodi Serbí Povu” ba komemorasaun loron 20 fulan-maiu tinan 2024 (CM).
Analiza ona:
1 - Aprezentasaun kona-ba rezultadus husi teste ba Bolsa Kandidatu Profesores (ME).
2 – Aprezentasaun: Dili Marina Square (VPM/MCAE) - 09 abril 2024Sorumutuk Konsellu Ministrus nian iha loron 9 fulan-abril tinan 2024Aprova onahare tan
✅1 - Proposta ba Parlamentu Nasionál kona-ba ratifikasaun Protokolu Adezaun ba Organizasaun Mundiál Komérsiu (VPM-MCAE)
✅2 - revoga rezolusaun Governu n.6/2016, loron 17 fulan-fevereiru, ne’ebé altera liuhusi Rezolusaun n.24/2023, loron 24 fulan-maiu, ne’ebé kria Komisaun Nasionál ba Fasilitasaun Komérsiu (CONFAC) (VPM-MCAE)
✅3 - memorandu entendimentu ho Ministériu Kultura Repúblika Kuba nian (MJDAC – SEAC)
Analiza ona
➡️1 - aprezentasaun kona-ba Timor-Telecom (MTC) - 08 abril 2024Medidas Prevensaun no kontrolu ba raiva (moras asu bulak)Relasiona ho raiva (moras asu bulak) ne'ebé agora daudaun tama ona iha Timor-Leste, no virus ne'e hamate ona feto timoroan ida iha Rejiaun Administrativa Espesiál Oekusi Ambenu (RAEOA), tamba sidadaun refere hetan tatan husi asu ne'ebé maka pozitivu ho virus raiva. Nune’e, atu prevene no mitiga moras ida-ne’e iha populasaun nia leet, maka Sekretáriu Estádiu Pekuária hamutuk ho Ministériu Administrasaun Estatál servisu hamutuk, liuhosi Prezidente Autoridade Munisipál sira (Autoridade Lokál, Lider Komunitáriu sira), Ministériu Saúde, Organizasaun Mundiál Saúde (OMS), Polísia Nasionál Timor-Leste (PNTL), atu kontrola no tau-matan ba situasaun ida-ne’e, nune’e bele prevene no mitiga surtu ida-ne’e.hare tan
- 03 abril 2024Sorumutuk Konsellu Ministrus nian iha loron 3 fulan-abril tinan 2024Aprova ona:hare tan
✅1 - alterasaun dahuluk ba Rezolusaun Governu n. 7/2024, loron 24 fulan-janeiru, kona-ba Kriasaun Komisaun Ezekutiva ba estabelesimentu Zona Dezenvolvimentu Ekonómika Espesiál ida iha Oekusi Ambenua (PM);
✅2 - Estrutura orgánika Autoridade Protesaun Sivíl (MI):
✅3 - Subsídiu Apoiu Pontuál ba ema iha situasaun vulnerabilidade aas tebtebes (MSSI);
✅4 - alterasaun daruak ba Rezolusaun Governu n. 23/2009, loron 18 fulan-novembru, ne’ebé aprova Parlamentu Foinsa’e Nian (MJDAK)
✅5 - estende suspensaun ba ensinu, aprendizajen no prátika artes marsiais no adosaun ba medidas ho objetivu atu asegura orden públika ba fulan neen tan, to’o loron 10 fulan-novembru tinan 2024. - 27 marsu 2024Sorumutuk Konsellu Ministrus nian iha loron 27 fulan-marsu tinan 2024Aprova onahare tan
1.Alterasaun daruak kona-ba Lei Komisaun Anti-Korrupsaun nian (PCM)
2.Rejime espesiál kona-ba bolsa estudu iha setór justisa (PM);
3.Adenda kontratus hodi estende períodu konstrusaun no supervizaun liuliu projetu “Melloria no manutensaun estrada entre Baukau – Venilale – Vikeke: Lote 2 Venilale – Vikeke (MOP);
4.Adenda kontratu kona-ba implementasaun Projetu Reabilitasaun no Manutensaun Estrada Distritál sira – Pakote 2 Seksaun: Bazartete – Tokoluli (MOP);
5.Poder tomak hodi asina memorandu entendimentu ho Reinu Kamboja iha área siénsia (MESCC).
1 
